viernes, 10 de marzo de 2017

SANTIMAMIÑE ETA BASO MARGOTUA

URDAIBAIKO ONDASUNA
Joan den ostiralean, martxoak 3an, 5. eta 6. mailako ikasleek Santimamiñeko kobak eta Omako “Baso margotua” bisitatu genituen.
Kobazuloko sarreran aintzinako gizakien bizimoduaren gainean hausnartu genuen. Barrurago sartu ezin denez, baselizan dokumental bat ikusi genuen. 3Den  grabatuta dagoen honetan kobazulo osotik  bidaia luzea egin genuen. Informazioa oso interesgarria izan zen.
“Baso margoturaino” oinez joan ginen. Zuhaitz artean jolasten ibili ginen.

Zorte handia izan genuen; eguraldi ona egin zuelako. Eskolara heldu bezain pronto, euria hasi zen.



INAUTERIAK ESKOLAN!!!

Otsailaren 24an jende asko bildu zen eskolan inauteriak ospatzeko asmoz. Egun horretan bertsoak abestu, dantzatu eta “Hiru oinordekoak” antzezlana antzeztu genituen.
Ekitaldia eta gero “txitxiburduntzi” egon zen. Gainera nagusi eta txikien mozorro lehiaketan parte hartzeko aukera izan genuen. Mozorro bitxienari emon zioten saria: “Kaktus familia” izan zen garailea.
Jaialdi ahaztezina suertatu zen.







miércoles, 8 de marzo de 2017



                                                     ASMATU  LANBIDEAK 2.maila







miércoles, 8 de febrero de 2017

ARRATE EGAÑA IDAZLEA GURE ESKOLAN

Otsailak 3an Arrate Egaña etorri zitzaigun eskolara. Urtarrilan Lehen Hezkuntzako ikasleek bere liburu “IZEBAK” irakurri genuen.
Idazleak liburuak sortzeko egiten den prozesua azaldu zigun. Zirriborroan egiteari  garrantzia emon zion. Testuari dagozkion marrazkiak egiteko askotan Mª Mar Agirrerekin lan egiten duela kontatu zigun. Beste batzutan berak margozten ditu.

Liburu eta sari asko irabazi arren “IZEBAK” bere gustukoa dela eta familiakoei dedikatuta dagoela aitortu zigun.




ZER JATEN DUGU?

Aurton Eskola Agenda 21eko lana dela eta, elikadurari buruzko jarduerak burutzen gabiltza. Urtarrilan gosaltzen eta askaltzen ditugun elikagaiak nondik datozen,  garraiatzeko zer erregai kontsumitzen den eta nola datozen ontziratuta aztertu genuen.
Beste egun baten jogurten dastamen itsua egin genuen.  Ba al dakigu zer jaten dugun? Guk ez genuen zaporerik bereizten. Zergatik izango ote da?  Taldean hausnartu genuen.

Otsailan  etxeko jogurta naturala egin genuen. Etxean egitea erreza eta osasuntsua da. Horrez gain, zabor gutxi sortzen dugu.





   


martes, 31 de enero de 2017

UZTA BATZERA!!!

Joan den azteazkenean 6.mailakoak ortura joan ginen letxugak hartzera. Mendiko botak jantzi genituen eta harantza abiatu ginen.  Letxuga handiak eta asko zeuden. Irakasleak egunkariaren bi orrirekin poltsa bat egiteko agindu zigun. Horretan guk aukeratutako letxuga sartu genuen. Gero mendiko botak kendu genituen eta  eskolara bueltatu ginen. Hurrengo egunean, entsalada goxo-goxoa  jan genuela esan genion andereñoari.




lunes, 19 de diciembre de 2016

EATHINK programa

Azaroak 4an 5.eta 6. mailako ikasleek EATHINK programa berrian parte hartu dute.
Tailer honek planteatzen dituen jardueren bitartez ohartu gara jaten ditugun produktu asko Amerika eta Afrikatik datozela.Honek zera esan nahi du: produktuei, ondo heltzeko, kimika botaten dietela eta dagokiena baino arinago biltzen dituztela. Hau ez da  osasuntsua. Osagaiek dagozkien bitaminak eta gustua galtzen dituzte.
Gainera, garraiatzeko erregai asko kontsumitzen da eta kutsadura sortzen da. Honetaz eztabaidatu eta gero, hau erabaki dugu: AHAL DEN GUZTIETAN BERTON BERTOKO JANARIA JAN BEHAR DUGULA.
Lana bukatzeko letxuga, sandia edo tomateko haziak erein ditugu lorontzi baten eta etxera eraman dugu.